Një i ri që pretendon se ishte në makinë me 17-vjeçarin francez, Nael Merzouk kur u qëllua dhe u vra nga një oficer policie gjatë një ndalese trafiku të martën e kaluar, ka publikuar një mesazh të regjistruar që përshkruan saktësisht se çfarë ndodhi në incidentin e përgjakshëm që shkaktoi një trazirë mbarëkombëtare në Francë.
Sipas Sky News, i riu, i cili postoi mesazhin e tij në rrjetet sociale, thotë se dëshiron që të dihet e vërteta sepse “shumë gënjeshtra po qarkullojnë” për incidentin që ndodhi në Nanterre, një qytet i vogël në periferi të Paris, mëngjesin e sotëm të 27 korrikut.
Duke premtuar se do të tregojë historinë “nga A në Z”, i riu shpjegon në video se miqtë e kanë marrë hua Mercedesin dhe kanë vendosur të lëvizin nëpër Nante, “pa konsumuar as alkool e as drogë”.
Teksa po lëviznin në korsinë e autobusit, kanë vërejtur se po i ndiqnin motoçikletat e policisë me drita ndezëse, ndaj kanë ndaluar mjetin. Më pas, një oficer policie iu afrua xhamit të makinës, i tha Naelit të hapë dritaren dhe më pas i tha atij, “fik motorin ose do të të qëlloj”.
I riu pretendon se më pas oficeri ka goditur Naelin me dorezën e armës. Më pas mbërriti polici i dytë dhe gjithashtu goditi Naelin në të njëjtën mënyrë.
An audio message circulating online claims to be a friend of Nahel describing the events leading up to and after the fatal traffic stop
In the aftermath, violent protests have spread throughout France with people setting cars alight and ransacking shopshttps://t.co/3v5FHbVV8m pic.twitter.com/b6s4NyQJ91
— Sky News (@SkyNews) July 1, 2023
“Mos lëviz se do të të fus një plumb në kokë”
Shoku i Naelit vazhdon duke thënë se polici i parë i drejtoi armën Naelit dhe i tha: “Mos lëviz se do të të fus një plumb në kokë”.
Oficeri i dytë i tha “gjuaj”, sipas dëshmisë së “mikut” të Naelit.
Më pas u pasua nga një tjetër goditje ndaj Naelit nga oficeri i parë i policisë me dorezën e armës, që rezultoi që 17-vjeçari të hiqte këmbën nga frena dhe makina të ecë përpara. Më pas oficeri i dytë qëlloi, kështu që Naeli vuri këmbën e tij në përshpejtues.
“Jam i shokuar që kjo ndodhi para meje”
Në klipin që bën xhiron e internetit, i riu shpjegon se “pa shokun e tij duke vuajtur” pasi u godit nga një plumb. “Kisha frikë. Dola nga makina dhe e vura në këmbë. Mendova se do të më qëllonin edhe mua, ndaj ika”.
“Jam i shokuar nga ajo që ndodhi përballë meje, shokut tim”, shton i riu në klip.
Varrimi i 17-vjeçarit Nael do të bëhet sot, ndërkohë që vdekja e tij ende po i vë flakën shumë rretheve të njohura të vendit.
Gjithsej 1311 persona u arrestuan mbrëmë në Francë, incidenti i katërt radhazi i dhunshëm që nga vdekja e adoleshentit.
Punonjësi i policisë që qëlloi dhe vrau Naelin është akuzuar për vrasje me dashje, njoftoi prokuroria. “Nuk janë plotësuar kushtet ligjore për përdorimin e armës”, thuhet në njoftim.
